"LOOK ON YOURSELF"
نعم انظر الى نفسك ...تأملها جيدا ...تأمل حياتك اليومية ...عالج أمورك بنفسك ...تحكم فى نفسك ...ماتقولش كلمة "ماهوه فلان عمل أو فلان بيعمل " خليك فى حالك ...وجرب يوم واحد تخليك فى نفسك ...
مش المقصود انك تبعد عن الناس وتهجرهم وتقول هاعيش وحيد ...لكن ميكونش هدف فى حياتك او وقت مخصص فى حياتك
للكلام عن فلان وفلان و...متهيألى فى حاجات مهمة أكتر ...ولو مفيش يبقى دى نقطة "التوهان "
ولازم تخرج منها بسرعه ...لان المود ده صعب
دى أول حاجة ...تانى حاجة بقى ...متعديش يوم فى حياتك غير لما تحاسب نفسك ...
عليها ايه وليها ايه "خد بالك من الترتيب ده ...ولو يوم عدى من غير متحاسب نفسك ...
خلاص خليك فى اليوم اللى بعده ...علشان لما تقع ...تبقى عارف نظامك ماشى ازاى ...
غلطتك دى نتيجة ايه ...او تقصير منك فى ايه بالضبط ...ساعتها انت ذات نفسك هاتحس بانتصار على نفسك ...
لانك وقتها هاتبقى منظم ...
تالت حاجة :متبصش لامكانيات غيرك ...لكن الأفضل بص لامكانياتك ...
وده لسبب واحد لأنك لو بصيت لامكانيات غيرك هاتفضل واقف مكانك ...
انت بتنزل فى المستوى ...وغيرك بيطلع ...لكن لو بصيت لامكانياتك ...
"انت مش قليل" هتلاقى نفسك مرة ورا التانية عايز تعلى ...ولكن فقط بامكانياتك ...
رابع حاجة : خلاص انت دلوقتى بقيت فاضى لأنك نويت توقف نص الوقت اللى كنت بتضيعه من وقتك فى الكلام على فلان وفلان
نصيحة منى بقى مينفعش يوم يعدى عليك كمسلم من غير متعرف حاجة جديدة ...وده مش معناه انى باقولك تاخد ماجستير أو دكتوراه فى حاجة ...لا المقصود تعرف حاجة جديدة فى مجال تخصصك ...حاجة جديدة بخصوص هواياتك ...حاجة جديدة بخصوص آخرتك ...حاجة جديدة بخصوص حياتك وتنظيمك ليها ...حاجة جديدة بخصوص قراءاتك ... "تفسير آية قران _شعر كويس_قصة قصيرة هادفة_كتاب كويس نزل وانت ناوى تقرأه " ...حاجة جديدة بخصوص لعبك "رياضتك المفضلة " ...حاجة جديدة فى الطبيخ ...يعنى كل واحد حسب هواياته المفضلة ...المهم انه فى النهاية تكون المحصلة "one information per aday "
خامس حاجة :غير مود حياتك بمعدل أسبوعى أو شهرى والمدة من رأيى مينفعش تزيد عن كده ...لكى لا تشعر بالملل ...ولما تيجى تعمل حاجة جديدة خد رأى أصحابك ...ولو شىء كويس ياريت تتعاونوا فيه ...علشان تاخدوا بايد بعض دايما لفوق مش لتحت ....
حقيقى كده انا خلصت ...وفاضل حاجة واحده بس ...
انى أنفذ معاكم ...
"one information per aday "
NOW ,,,i have to start
